မြန်မာစီးပွားစီမံအမှုဆောင်များအသင်း (MBE) ၏ မိတ်ဖက် နိုင်ငံတကာ အဖွဲ့အစည်း တစ်ခု ဖြစ်သည့် Enterprise Asia က ကြီးမှူး ကျင်းပမည့် “အာရှစီးပွားရေးဖိုရမ် ၂၀၂၃ (Asia Economic Forum 2023)” ကို “Capturing Opportunities in a Resurgent Asia” ခေါင်းစဉ်ဖြင့် ” ၂၀၂၃ ခုနှစ်၊ အောက်တိုဘာလ (၂၇) ရက်နေ့ တွင် စင်ကာပူ၌ ကျင်းပသွားမည် ဖြစ်ပါသည်။

Enterprise Asia သည် အာရှ၏ အစိုးရမဟုတ်သော ထိပ်တန်းအဖွဲ့အစည်းဖြစ်ပြီး အာရှတစ်ဝှမ်းတွင် လုပ်ငန်းပိုင်ရှင်များ၊ တည်ထောင်သူများနှင့် ကုမ္ပဏီများ၏ C-level အဖွဲ့ဝင်များစွာဖြင့် ပါဝင် ဖွဲ့စည်းထားပါသည်။ လွန်ခဲ့သည့် ၁၆ နှစ်အတွင်း Enterprise Asia သည် အာရှတစ်ဝှမ်းရှိ အောင်မြင်သော စွန့်ဦးတီထွင်သူများ၊ စီးပွားရေးခေါင်းဆောင်များ နှင့် ဒေသတွင်း အားကောင်းလာစေရန် ရည်ရွယ်ချက်ဖြင့် အာရှတစ်ဝှမ်းရှိ စွန့်ဦးတီထွင်မှုများ၊ ရေရှည်တည်တံ့မှုနှင့် ဆန်းသစ်တီထွင်မှုတို့ကို မြှင့်တင်ရန်အတွက် အစိုးရများ၊ NGO များနှင့် အခြားအဖွဲ့အစည်းများနှင့်အတူ တရားမျှတသော အလေ့အကျင့်ကောင်းများနှင့် ပိုမိုကောင်းမွန်သော ဆန်းသစ်တီထွင်မှုတို့ကို အားပေးသည့် စွန့်ဦးတီထွင်မှု နယ်ပယ်၌ တက်ကြွစွာ ဆောင်ရွက်ခဲ့ပါသည်။

ယခု “အာရှစီးပွားရေးဖိုရမ် (AEF) ၂၀၂၃” သည် ပေါင်းစပ် ညှိနှိုင်းမှုများ ရှာဖွေရန်၊ ဒေသတွင်းရှိ အပြင်းထန်ဆုံးသော စိန်ခေါ်မှုများနှင့် အခွင့်အလမ်းများကို ကိုင်တွယ်ဖြေရှင်းရန်နှင့် အာရှ၏ စီးပွားရေး ဂေဟစနစ်ကို ပုံဖော်မည့် ပိုမိုနက်ရှိုင်းသော ပူးပေါင်းဆောင်ရွက်မှုကို မြှင့်တင်ရန် ရည်ရွယ်ပါသည်။ ၎င်းသည် အာရှ၏ ကိုဗစ် (၁၉) ကပ်ရောဂါ အလွန်ကာလ ပြန်လည်ကောင်းမွန်လာမှုကို အခွင့်ကောင်းယူ၍ တိုးတက်မှုအတွက် အခွင့်အခါကောင်းတစ်ခုအဖြစ် ရှုမြင်ရန် စီးပွားရေးလုပ်ငန်းများကို အားပေးရန် ရည်ရွယ်ခြင်း ဖြစ်ပါသည်။ ဒေသတွင်းတွင် စွန့်ဦးတီထွင်မှု၊ တရားမျှတသော အလေ့အကျင့်များနှင့် တိုးတက်မှုကို လှုံ့ဆော် ဖော်ထုတ်ပေးရန် ဖြစ်ပါသည်။

ယခု ဖိုရမ်အကြောင်း အသေးစိတ်ကို အောက်ပါ လင့်ခ်တွင် ဖတ်ရှုလေ့လာနိုင်ပါသည်။

နယ်ပယ်ကဏ္ဍ အသီးသီးက ဝါရင့်ပညာရှင်များ၊ ဦးဆောင်သူများ ပါဝင်ဆွေး‌နွေးအတွေ့အကြုံဖလှယ်ကြမည် ဖြစ်ပြီး MBE အသင်းက Supporting Partner အဖွဲ့အစည်းတစ်ခုအဖြစ် ပါဝင်ပံ့ပိုးထားသည့် ယခု “အာရှစီးပွားရေးဖိုရမ် (AEF) ၂၀၂၃” ကို တက်ရောက်ရန် စိတ်ပါဝင်စားသည့် မြန်မာ စွန့်ဦးတီထွင် လုပ်ငန်းရှင်များ၊ စီးပွားရေး လုပ်ငန်းရှင်များ အနေဖြင့် တက်ရောက်ပါဝင် ဆင်နွှဲနိုင်ပါကြောင်း သတင်းစကား မျှဝေ ဖိတ်ကြားလိုက်ရပါသည်။

“Asia Pacific Enterprise Awards (APEA) 2023 ဆုများ ပါဝင် လျှောက်ထားနိုင်ပါရန် ဖိတ်ခေါ်ခြင်း”

Enterprise Asia က ကြီးမှူးကျင်းပ ချီးမြှင့်မည့် အာရှ-ပစိဖိတ်အဆင့် Asia Pacific Enterprise Awards (APEA) 2023 ဆုများအတွက် စိတ်ပါဝင်စားသည့် လုပ်ငန်းရှင်များအနေဖြင့် ပါဝင်ယှဉ်ပြိုင်နိုင်ပြီ ဖြစ်ပါသည်။

ဂုဏ်သိက္ခာ မြင့်မားသည့် APEA ဆုများသည် ထူးချွန်ပြောင်မြောက်အောင် စွမ်းဆောင်နိုင်ကြသည့် စွန့်ဦးတီထွင် လုပ်ငန်းရှင်များ၊ ကော်ပိုရိတ်စီးပွားရေးလုပ်ငန်းများကို အသိအမှတ်ပြု ချီးမြင့်ခြင်း ဖြစ်ပြီး

· Entrepreneur of the Year Award

· Master Entrepreneur Award

· Fast Enterprise Award

· Inspirational Brand Award

· Corporate Excellence Award စသည့် ဆုများကို ရွေးချယ်ပေးအပ်သွားမည် ဖြစ်ပါသည်။

“Capturing Opportunities in a Resurgent Asia” ခေါင်းစဉ်ဖြင့် ပြုလုပ်သည့် အထက်ပါဆုများကို ဦးဆောင်သူများတွင် ရှိထားအပ်သည့် လူမှုရေးတာဝန်သိမှုကို ပစ်ပယ်မထားဘဲ စဉ်းစားဆောင်ရွက်ပေးမှုနှင့်အတူ စီးပွားရေးကဏ္ဍကြီး ပြန်လည်ရုန်းထလာနေချိန်တွင် အခွင့်အလမ်းကောင်းများကို အမိအရ ကိုင်တွယ်ပြီး အောင်မြင်မှုများ ရယူနိုင်သည့် စီးပွားနယ်ပယ်က ဦးဆောင်သူများ၊ စီးပွားရေးလုပ်ငန်းများကို ရွေးချယ်ပေးအပ်မည် ဖြစ်ပါသည်။

ဆုလျှောက်လွှာ တင်သွင်းရမည့်နောက်ဆုံးရက်မှာ ၂၀၂၃ ခုနှစ်၊ စက်တင်ဘာလ (၈) ရက်နေ့ ဖြစ်ပါသည်။

လျှောက်လွှာ လျှောက်ထားရန် အသေးစိတ်ကို https://apea.asia/regional/ တွင် ဖတ်ရှုလေ့လာနိုင်ပါသည်။

APEA ဆုများကို ၂၀၂၃ ခုနှစ်၊ အောက်တိုဘာလ (၂၇) ရက်နေ့ စင်ကာပူနိုင်ငံတွင် ကျင်းပမည့် “အာရှစီးပွားရေး ဖိုရမ် ၂၀၂၃ (Asia Economic Forum 2023)” အပြီး တဆက်တည်း ချီးမြှင့်သွားမည် ဖြစ်ပါကြောင်း သတင်းကောင်းပါး တိုက်တွန်း နှိုးဆော်လိုက်ရပါသည်။